Gitug-an ni United States President Donald Trump nga gusto na sa Iran nga muligid ang pakignegosasyon, apan, mahadlok sila sa pagsulti niini.
Kini maoy pinakalab-as nga pahayag ni Trump kalabot sa “update” sa tensyon sa Middle East, dihang mitambong sa National Republican Congressional Committee (NRCC) fundraising dinner nga gipahigayon sa Union Station sa Washington, D.C.
Gipasigarbo sa presidente nga hinay-hinay nang milurang ang tensyon apan, nagduha-duha ang kadagkuan sa Iran nga makignegosyar sa kay basin patyon sila sa ilang katawhan.
Gawas niini, gisugilon ni Trump nga nahadlok usab sila nga pamatyon sa tropa sa Amerika.
Mahinumduman nga mismo si Iranian Foreign Minister Abbas Araqchi ang nag-ingon nga wala nila dawata ang sugyot sa U.S. nga makignegosasyon aron tapuson ang giyera sa Gulf Region, apan gusto usab nila nga matapos na ang giyera.
Kini nagpasabot nga bisan adunay tinguha ang Iran nga musulod sa negosasyon, apan, ang garbo nila wala pa nilurang bisan gipalanog na sa ilang militarya nga kinahanglan na nila tapuson ang gubat.
