CAGAYAN DE ORO CITY – Nabubuan sa “hail” kon gahi nga “ice rocks” ang pipilang bahin sa Bukindon.
Gibutyag ni PAG-ASA climatologist Joe Privaldo nga lakip sa nakasinati sa hail storm ang Manolo Fortich ug Damilag, Bukidnon.
Namahayag si Privaldo nga natural kining mahitabo sa mga bukid o taas nga bahin kalibutan.
Iyang gi-abisohan ang tanan residente nga dili mugawas sa panimalay kay delikado ang ‘hail” kung daw sama sa kadako sa kinomo nga bato ang muigo sa ulo sa tawo.
Una niini, gikompirmar sa PAG-ASA nga sagad mahitabo ang hail storm sa pipilang bahin sa Bukidnon, ug Claveria, Misamis Oriental.
