CAGAYAN DE ORO CITY – Nagsilbi nang frontline defenders alang sa kahusay’g kalinaw ang mismong 292 ka pulis nga ubos sa Lanao del Sur Police Provincial Office sa Lanao del Sur nga sakop sa Bangsamoro Autonomous Region in Muslim Mindanao o BARMM.
Kini human gilusad na ang ceremonial send-off ceremony sa maong mga pulis aron mag-una paghatag seguridad sa election hotspots ug critical zones sa probinsya.
Mismo si Lanao del Sur PNP Director Col. Robert Daculan ang nangulo sa pagpahigayon sa seremonya dala ang mga pasidaan nga protektahan usab nila ang ilang kaugalingon samtang mohatag sa seguridad sa lugar.
Siya miingon nga angayang motigbabaw ang kahapsay sa eleksyon ug dili hatagan sa higayon ang pipila ka armadong pundok makapanghasi sa mga tunghaan diin anaa ang eleksyon sa Mayo 12.
Hisayrang daghan sa lugar sa Lanao del Sur ang hot spots diin libuang puwersa gikan sa Luzon,kauluhan,Visayas ug Northern Mindanao ang una nang gipadala aron kabahin sa magmintinar sa kahusay ug hapsay nga piliay.
