CAGAYAN DE ORO CITY – Gidumdom sa mga Kristohanon ang harianon nga pagsulod ni Hesu Kristo sa giilang balaan nga syudad sa Jerusalem,Israel ning adlawa.
Miingon si Bro.Cleb Calimutan,presidente sa Confraternity of the New Apologetics nga ang iyang paghidangat ni Kristo sa Jerusalem nagsimbolo sa harianon niya nga paghidangat rason nga alegre kining gisugat sa katawhan gamit ang mga palmera.
Siya miingon nga angay sabton nga ang pag-bendesyon sa mga lukay nagtimaan sa pagsilbing balaan na niini hinungdang dili angay basta-basta isalikway sa mga tawo nga makakupot niini.
Ang mga tawo nga mi-abiba nga misugat kang Kristo alang sa pagbuhat sa iyang obligasyon,susama nga panon ra usab nga mipalasang kaniya sa krus didto sa bukid sa kalbaryo.
Samtang nakaandam na ang Task Force Oro paghatag seguridad alang sa mga debotong Kristiyano nga aktibong makiglambigit sa mga gimbuhaton sulod sa semana santa.
Namahayag si Task Force Oro commander Col. Warren Munda nga may mga tagsa-tagsa na sila ka tahas nga gitutukan alayon sa paghatag sa igong hugot nga seguridad ning mga mahal nga adlaw.
Siya miingon nga bisan nga walay bisan unsa nga bahad sa terorismo ang ilang na-monitor apan wala sila’y gihatag nga pagkumpiyansa hangtod nga matibawas ang mga kalihukan sa simbahan ug pagdagsa sa katawhan sa nagkadaiyang pilgrimage sites sa dakbayan.
Hisayrang ang Task Force Oro gipadala sa 4ID,Philippine Army aron mahimong katimbang sa COCPO magmintinar sa kahusay’g kalinaw sa dakbayan.
