Napakanaug na ang mando-direktiba gikan sa Philippine National Police (PNP) Camp Crame nga walay ipatuman nga bakasyon ang mga kapulisan ning semana santa. Kini ang gibutyag ni Police Regional Office 10 Regional Director Police Brigadier General Christopher Abrahano, sa gilusad nga press briefing sa PRO-10, kagahapon. Miingon si Abrahano nga sugod Marso 29 kutob Abril 6, ipatuman sa PNP ang Heightened Alert Station sa tibook Pilipinas. Dinhi sa rehiyon sa Northern Mindanao, mububo ang PRO-10 kapin 2,000 ka mhga pulis, kuyog ang mga miyembro sa Philippe Coast Guard, Bureau of Fire Protection, Armed Forces of the Philippines, Traffic Enforcers ug force multipliers sa mga barangay nga adunay dagkung pilgrimage sites, kasimbahanan, pantalan, bus terminal, seaports, ug uban pang “places of convergence. Human sa semana santa, gilayong ipatuman sa PNP ang Ligtas SumVac 2026 kundiin, lakip sa ilang bantanyan ang mga tourist spots nga sagad bisitahan sa mga bakasyonista lakip sa nga resort, kadagatan, mga hotels ug tugpahanan. Tumong niini nga maprotektahan ang katawhan sa mga dautang elemento nga buot musabwag kagubot panahon sa summer vacation ug semana santa.
