CAGAYAN DE ORO CITY – Misaka pa sa 27 ka kinabuhi ang nakalas nga naglakip sa piloto nga nagmaneho sa fire fighting chopper sa bukid diin nagsumikad ang wildfires sa South Korea.
Kini ang pagsaysay ni South Korean-based Bombo International News Correspondent Jia Etulle kabahin sa trahedya nga miigo sa ilang kalasangan sukad pa sa miaging semana.
Miingon si Jia nga unang nagsugod ang kalayo sa simple lang nga pagdaub sa usa ka pamilya sa bukid diin napasagdan ug paspas mikanaug padulong sa kabalayan.
Anaa na sa sobra 37-mil ka residente ang puwersadong nahikling tungod sa dakong perhisyo sa pagkasunog sa kalasangan.
Mitala na usab sa 300 ka istraktura nga naglakip sa mil-300 anyos nga templo sa pagtoong Budhism ang apil sa nalamoy sa kalayo.
Hinoon,wala gikataho sa South Korean government kung adunay Pinoy nga nadamay sa nahisgutang hitabo.
