PROTEKTOR sa operasyon sa E-SABONG si Police Major Edgar Tonico Jr, ang hepe sa CIDG-Bacolod.
Kini ang gibutyag ni Department of the Interior and Local Government (DILG) Secretary Jonvic Remulla human sa pipila ka bulan nga imbestigasyon.
Gawas sa e-Sabong, migula usab ang report nga si Tonico-Jr mao ra gihapon ang protektor sa pagpasulod sa mga inismagol nga sigarilyo sa ilang syudad kundiin napamatud-an ang pabrika sa ilegal nga sigarilyo sa Bago City ug ang E-sabong hub sa Talisay City.
Tungod sa nadiskobrehan sa kalihim sa DILG, gilangkat na sa posisyon ang hepe sa CIDG ug gipailawom sa
preventive custody samtang nagapadayon ang case build-up aron mapasakahan siyag kasong kriminal ug administratibo.
Gibutyag usab nga adunay mga kauban si Tonico nga giingong konektado sa negosyanteng si Charlie “Atong” Ang, bisan pa wala pa’y klarong ebidensya sa direktang partisipasyon niini.
