Gikonsiderar ni Israeli Prime Minister Benjamin Netanyahu nga “Historic turning point” ang pagkamatay ni Hezbollah Leader Hassan Nasrallah.
Kini Human sa iyang pagtambong sa 79th United Nations General Assembly debate sa Amerika, gilayon mipauli sa ilang nasud ug mihimo’g opisyal nga deklarasyon sa pagkamatay sa gibansagan nga ‘public enemy number one’ sa ilang nasud.
Gipamatud-an ni Netanyahu nga dunay samputanan ang tanan pagbahad-bahad ug opensiba sa Hesbollah ug usa niini mao ang pagkamatay sa ilang lider.
Ilado si Nasrallah isip responsabli sa pagbutang sa dakung gap tali sa tinoohang Kristiano ug Muslim sa Middle East tungod kay numero unong unod sa mga pamahayag ni Nasrallah ang pagpatay sa mga Hudyo ug Kristianong Israelita.
Mahinumdumduman nga niadtong Oktobre 7, 2023, si Nasrallah ang nangunay sa pagbutyag nga sila ang mi-inisyar sa tinood nga pakigubat sa Israel.
Siya miingon nga misegunda lamang niini ang Hamas militants nga mipatay sa kapin libo ka Israelitas nga mitambong sa music festival sa Kibbuts Area sa utalang bahin sa Gaza ug Israel.(Bombo Anne Quileste).
