Midaghan na ang sikat nga mga hollywood icons ug pop music idols ang nag-endorso sa Harris-Walz tandem alang sa November 2024 elections sa Estadus Unidos.
Labing ulahi mao ang pop megastar Billie Eilish nga misuporta sa kandidatura ni US presidential candidate Vice Pres Kamala Harris ug Minnesota Governor Tim Walz pagka-bise presidente.
Pabor si Eilish sa pamaagi sa pagdala ni Harris sa isyu sa reproductive freedom, lakip na ang pagtuki sa mga solusyon sa nag-unang sulirab sa kalibutan ug pagpatigbabaw sa demokrasya.
Kuyog ni Eilish sa pagsuporta sa Harris-Walz ang iyang igsoon nga si Finneas O’Connell.
Gamit ang iyang opisyal nga social media ug mga media interviews, iyang gi-awhag ang iyang mga American followers nga botaran ang duruha kay sila ang kaugmaon sa ilang nasud.
Kahinumduman nga usa si Taylor Swift sa mga dagkung ngalan sa celebrity nga unang mi-endorso kang Harris.(Bombo Anne Quileste).
