CAGAYAN DE ORO CITY – Gikonsiderar sa Cagayan de Oro City Police Office o COCPO nga generally peaceful ang pag-obserbar ug pagpamalandong sa mga deboto sa Huwebes Santos sa syudad.
Kini samtang misaka sila a bukid sa Malasag sa Brgy Cugman ug Our Lady of Guadalupe nga nahimutang sa utlanang bahin sa Brgy Balubal ug Brgy Tablon ning syudad.
Miingon si COCPO spokesperson Maj Evan Viñas nga subay kini sa inisyal nila nga security assessment nga gipatuman sa maong mga lugar.
Gibutyag ni Viñas nga bisan pa niini pabiling walay pagluag ang kahugot sa seguridad dili lamang sa pilgrimage sites apan partikular usab sa mga simbahan ingon man sa ubang convergence areas diin gatapok ang katawhan ning semana santa.
Hisayrang sobra libo ka pulis ang gikatag sa maong kalihukan aron masiguro nga dili mabalda ang kahusay’g kalinaw sa dakbayan.
