CAGAYAN DE ORO CITY-Gikonsiderar sa Mindanao Container Port o MCP nga peligro sa panglawas sa tawo ug kinaiyahan ang nadiskobre nga electronic wastes o imported nga mga basura gikan sa Hongkong nga nakasulod sa Tagoloan,Misamis Oriental.
Kini human angkona ni MCP collector John Simon unang midunggo ang maong kargamento gikan Hongkong sa miaging Pebrero ning tuiga.
Namahayag si Simon nga gipalusot ang usa ka container van nga puno sa electronic garbage mismo sa grupo sa mga Intsik gikan sa Hongkong.
Siya miingo nga grabe pa kini’g epekto sa panglawas sa tawo ug kinaiyahan itandi sa mga basura sa Verde Soko Philippines nga gikan sa South Korea ug Holcim Philippines Incorporated nga gipadala sa Australia sulod sa lalawigan.
