Lauman ang mas grabe nga kainiton ning Lunes Santo sa tibook Pilipinas. Nunot kin sa pagpasulabot sa Ridge of High Pressure Area (HPA) sa Northern Luzon. Kung adunay high pressure area (HPA) sa usa ka lugar, kasagaran kini magdala ug maayo nga panahon, klaro ang langit, gamay ra ang panganod, ug mas init ang temperatura. Ang hangin gikan sa HPA mosuyop palayo, hinungdan nga dili makaporma ug daghang panganod o ulan.
Ang ubang bahin sa nasud makasita sa tag-as nga heat index sama sa Dagupan City Pangasinan, San Jose Occidental Mindoro, La Carlota Negros Occidental, Zamboanga City Zambuanga del Sur, ug Cotabato City Maguindanao nga pulos maigo sa tag 40°C.
Ang Tuba, Benguet padayong mihagba ang ilang temperatura sa 20°C.
Walay delikadong weather disturbance nga masinati ang Pilipnas ning adlawa.
Ang Manila – National Capital Region, sama sa gilauman makatagamtam sa fine weather epekto sa HPA, busa walay tsansa ulan, ug atangi ang grabe nga kainiton o heat index nga muabot sa 38°C sugod ala-1 hangtud sa alas-5 sa hapon. Hinoon pagka-alas 6 sa gabie mubugnaw na ang palibot tungod sa 19-25 km matag oras nga huyop sa hangin.
Ang Central Visayas makasinati sa zero percent chance of rain, 15km matag oras ang huyop sa hangin sa pag-alas-2 sa hapon, apan ang heat index magsugot sa pagpangiit sa alas 11 sa buntag hangtud alas 5 sa hapon. Gibana-bana ang 35°C nga heat index sa rehiyon. Ang Western Visayas maigo sa 36°C nga lagiting sa kaigang apan pagka-ala-1 sa hapon lauman ang 25-29km matag oras nga huyop sa hangin hangtud sa alas 5 sa hapon. Ang Eastern Visayas adunay 175 chance of rain o pagpanaligsik ilabe na sa bandang alas 12 sa udto o pagkahapon. Mas mukusog ang huyop sa hangin pag-abot sa alas-4 sa hapon nga muabot sa 15km matag oras. Ang heat index anaa sa 35°C ilabe nasa pagka alas 12 sa udto padulong sa alas 2 sa hapon.
Ang Northern Mindanao magbaton sa “sunny day”. Apan magsugod ang pagpangiit sa kainit sa alas 10 sa buntag padulong sa alas 4 sa hapon tungod sa 34° heat index. Hinoon magsugod pagbugnaw ang palibot sa pagka-alas 2 sa hapon tungod sa 15km matag oras nga heat index.
