CAGAYAN DE ORO CITY – Mag-atubang sa kasong kriminal sa piskalya ang usa ka lalaki kon pursigido moduso’g reklamo ang iyang silingan nga gidunggab niini epekto sa pagmaoy sa dalang Matilde,Brgy Carmen ning syudad.
Namahayag si Carmen Police Station commander Major Mario Mantala Jr nga naila ang biktima nga 45 anyos nga si Michael Amascual samtang ang suspek natumbok usab nga 67 anyos nga si Noriel de Castro nga managsama nagpuyo sa parehong lugar.
Subay sa ilang imbestigasyon,nagmaoy ang biktima hinungdang nag-resulta sa panaglalis ngadto sa suspek ug misampot sa pagpanunggab.
Hinoon,dili grabe ang samad nga naangkon sa biktima sa liog ug ubang bahin sa lawas.
Apan mag-agad ang kapolisan kon unsay hukom sa biktima batok sa iyang silingan nga midunggab kaniya tungod lang sa paghinubog.
