CAGAYAN DE ORO CITY, Philippines – Gikan sa P2.04 Billion, mibalor na lang sa 733-Milyon pesos ang gibilin nga proposed budget alang sa Office of the Vice President sa tuig 2025.
Kini ang gitin-aw sa House Appropriations Committee Vice Chairman Estella Quimbo.
Si Quimbo, kinsa nanghawod sa komite miingon nga nauyunan sa panel nga ibalhin sa mga kasaligan nga mga buhatan sa gobyerno ang uban programa nga anaa ubos sa OVP sama sa burial, medical, ug transportation assistance.
Gawas sa sayon nga paglangkat sa 947-Milyon pesos nga budget gikan humanitarian program ni Duterte, gikuwestiyon sa komite kung nganong duna siya’y 12 ka satelite offices, inay, standard nga napulo.
Hisayran nga ang plenary debate sa 2025 Budget sa OVP dunggon sa Setyembre 23, ayha kini itunol sa senado. Human sa senado, subli kining ukayon ubos sa Bicameral Conference Committee.
