Kadaugan sa katawhan sa Bangsamoro ang makasaysayanong 2026 BARMM Parliamentary Elections nga gipahigayon niadtong Septiyembre 17 sa Cotabato City.
Kini ang obserbasyon sa Asian Network for Free Elections (ANFREL) ug National Democratic Institute (NDI) tungod sa ilang aktibong partisipasyon sa demokratikong proseso.
Ang joint mission nagdeploy sa 25 ka observers gikan Sept. 9 hangtod 18 aron motan-aw sa campaign ug silent periods, final testing ug sealing sa automated counting machines, ug sa election day mismo sa 103 polling precincts sa Cotabato City, Marawi City, Lamitan City, Bongao, ug pipila ka munisipyo sa Maguindanao del Norte, Maguindanao del Sur, ug Special Geographic Area.
Ang mga observers misubaytsa Declaration of Principles for International Election Observation ug Code of Conduct, nga nagpasabot sa transparency ug integridad sa proseso.
Bisan pa sa kalmado nga dagan sa eleksyon, gi-report ang pipila ka security incidents, logistical challenges, ug intimidation nga nagkinahanglansa accountability ug post-election security review.
Hisayran nga ang misyon sa iladong international watchdog nag-awhag sa mga kandidato ug supporters nga magpakita sa pagpugong sa kasuko ug gamiton ang legal ug peace mechanisms sa pagpasaka sa reklamo.
Ang ANFREL ug NDI nagpanghimatuod nga magpadayon sila sa suporta sa electoral integrity, democratic governance, ug sa mga kadaugan nga nakab-ot sa Bangsamoro peace process.
