Mihawa isip miembro sa Independent Commission for Infrastracture si kanhi DPWH Secretary Engr Rogelio ‘Babes’ Singson.
Mismo si ICI chairman retired Justice Andres Reyes Jr ang nag-anunsyo sa paghawa ni Singson epekto sa kahimtang sa panglawas niini ug sa hisgutanang seguridad.
Ang 77 anyos nga si Singson nga ilado sa pagpatuman sa reporma sa DPWH sa panahon ni late Pres. Noynoy Aquino ang ikaduha sa mga tinudlo ni Pres Bongbong Marcos nga mihawa sa tahas nga gihatag kanila.
Pinetsahan ang resignation letter ni Singson sa petsa 15 sa Disyembre apan hayan malugwayan sa pagka-21 ning bulana.
Dumduman nga una nang mihawa isip advisor sa ICI si Baguio City Mayor Benjamin Magalong diin naghulip kaniya si retired PNP chief Gen Rodolfo Azurin Jr sa miaging mga bulan.
Hisayrang namugos ang administrasyon nga ang ICI ang bugtong fact finding arm sa Malakanyang aron sulbaron ang isyu sa kurapsyon sulod sa flood control projects implementations sa kagamhanan.
