CAGAYAN DE ORO CITY – Gikumpirmar sa Police Regional Office (PRO)-10 nga ubay-ubay na ang mga nadakpan sa tibook rehiyon tungod sa vote buying ilabina nga nagkadool na ang piliay.
Si PRO-10 spokesperson Lt. Col. Surki Serenias miingon nga ila nang giandam ang kaso nga ipasaka batok sa mga dinakpan nga naggikan sa Initao, Bukidnon, Misamis Occidental, Ozamis City ug Iligan City.
Dugtong niini, gipahimangnuan ni Serenias ang mga runner sa pulitiko nga undangon na ang pagpanghatag kwarta sa mga botante aron dili sila madakpan ug makasuhan ilabina nga hugot ang kampaniya sa Duterte administration batok vote buying.
