CAGAYAN DE ORO CITY – Giila sa kasaysayan nga ‘big upset’ o dakong kapakyasan ngadto sa Japanese Imperial Army nga napakyas sila sa dinaliang pag-ulipon sa katawhan sa Pilipinas dihang gilusad nila ang world war 2 nga nag-una sa kanasuran sa Asya.
Kini human halos molungtad sa lima ka bulan ang paglisod sa mga Hapon pagpildi sa hiniusang puwersa sa mga sundalong Pilipinhon ug Amerikano sa probinsya sa Bataan.
Miingon si Cagayan de Oro based local historian Engr Raul Ilogon nga mitala sa kasaysayan sa South East Asia kung giunsa pag-depensa sa katapusang higayon sa Fil-Am forces ang Pilipinas hinungdang nahimugso ang ‘THE FALL OF BATAAN.
‘Siya miingon nga dili kaulawon nga gipatuman sa Japanese Imperial Army ang Bataan Death March sa Filipino-American forces kay tungod sa maong sakripisyo,naluwas ang ubang kanasuran sa Asya nga sunod na unta atakehon sa Japan.
Hisayrang sa maong gubat,aktibong sakop sa sundalong girilya ang amahan ni Ilogon diin ang ilang pamilya ang mitabang sa pakiggubat batok sa mga Hapon dinhi sa syudad ug lalawigan kaniadto.
