Gipasabot ni PMSG Rose Polmunes sa Women and Children Protection Desk (WCPD) PS1 nga ang kakulang sa pinansyal nga kahimtang sa kababayen-an mahimong usa sa hinungdan nganong magpabilin sila sa abusive nga relasyon.
Giingon niya nga ang pipila ka lalaki, isip primary provider sa pamilya, usahay mahimong mosalig o mogamit sa kahimtang sa asawa nga walay independent nga kita.
Dugang pa niya, mas maayong ang kababayen-an adunay gamay bisan unsang paagi sa kita aron dili sila permi dependent sa ilang partner ug mas makabaton og kagawasan sa desisyon.
Sumala ni Polmunes, kung ang babaye adunay kaugalingong income, mas dali siya makabiya kung adunay kasinatian sa pang-abuso tungod kay naa siyay ikasustento sa kaugalingon ug sa iyang mga anak.
Sa katapusan, iyang gidasig ang kababayen-an nga magpabilin nga economically empowered aron malikayan ang pagpadayon sa cycle sa domestic abuse ug maprotektahan ang ilang kaugalingon ug pamilya. (By James Oliver)
