Gideklarang generally peaceful ang sitwasyon sa seguridad sa tibuok rehiyon sa pagsugod sa Semana Santa, ilabi na sa obserbasyon sa Maundy Thursday kagahapon. Mao kini ang gitin‑aw ni PRO‑10 spokesperson PMAJ Joan Navarro, nga sumala kaniya nagpabiling hapsay ang pagpatuman sa mga security measures sa mga checkpoints ug border areas sa rehiyon dyes, lakip na ang mga simbahan, pilgrimage sites, malls, ug transport hubs sama sa airports, seaports, ug bus terminals.
Dugang pa niya nga apil usab sa gibantayan sa ilang pwersa ang mga national highways aron masiguro ang kaluwasan sa mga nagbiyahe ug nag‑apil sa Semana Santa activities.
Gipasabot usab ni Navarro nga base sa monitoring gikan pa sa Lunes hangtod kagahapon, wala pa’y natala nga bisan unsang untoward incident sa tibuok rehiyon.
Sa katapusan, giingon ni Navarro nga magpadayon ang hugot nga pagbantay sa kapulisan aron mapabiling malinawon ang pag‑obserba sa Semana Santa ning tuiga. (James Oliver)
