CAGAYAN DE ORO CITY – Gisil-ip na sa mga imbestigador ang tanan posibleng anggulo sa pagtulis sa Urbanpod sa Corrales Avenue, ning syudad.
Namahayag si Cagayan de Oro City Police Office spokesperson Police Major Evan Viñas nga gipalihok na ni City Director Police Col Henry Dampal ang tanang sakop sa intelligence community aron masanta ang pagpanulis sa mga establishemento sa syudad.
Gibutyag ni Viñas nga gimando ni Dampal ang paghatag sa igong seguridad sa katawhan ug establishemento ilabe na nga nagkaduol na ang kapistahan sa dakbayan.
