CAGAYAN DE ORO CITY – Makigtagbo ang Cagayan de Oro Water District o COWD interim officials sa kadagkuan sa kompanyang MetroPac Waters sa kauluhan ning adlawa.
Miingon si interim GM Fermin Jarales nga nag-unang tuyo niini ang pagsusi sa kontrata tali sa COBI ug COWD.Miingon si Jarales nga limitado lang ang maong tigom rason nga gilimitahan usab nila ang mga motambong gikan dinhi sa syudad.
Nag-unang isyu sa pagtakeover sa Local Water Utilities Administration o LWUA ang pirmi gipaningil nga utang sa Cagayan de Oro Bulk Water Incorporated o COBI ngadto sa city water district.
Samtang hayan mohimo’g special audit ang Commission on Audit o COA alayon sa kontrata tali sa COWD ug COBI ning syudad.
Kini ang gitaho ni regular COWD board of director Gerry Caño.
Miingon si Caño nga epekto kini sa daghang hangyo sa maong ahensiya aron matubag ang pasangil nga nagbaton sa dakong utang ang COWD ngadto sa COBI.
