Nagtoo ang law professor nga si Atty Oscar Moreno nga biktima ang Iran sa dili patas nga gubat, gi-presyur niini ang Amerika ug Israel pinaagi sa pagtarget sa ilang military base sa mga allied countries sa Middle East.
Kini nga pamaagi maoy usa sa nakitang sulbad sa Iran sa pagtoo nga ma-abisohan sa gobyerno sa Saudi Arabia, United Arab Emirates, Qatar, Bahrain, Kuwait, ug uban pang nasud si US President Donald Trump ug Israel Prime Minister Benjamin Netanyahu nga undangon insigida ang gubat kay madamay ang ilang mga molopyo ug ekonomiya.
Gumikan sa nasugdang gubat niadtong Pebrero 28, sa pagkakaron ang target na sa Iran mao ang mga oil facilities sa mga Arab countries.
Gipasabot ni Moreno nga kini nga mga lakang sa Iran maoy nagpasamot sa kalisud sa pag import sa baratong lana gikan sa Middle East, gawas pa sa ilang abiso nga gisirado nila ang Strait of Hormuz sa Amerika ug tanan alyado nga oil shipping companies.
Segun ni Moreno, miabante na sa ikatolong semana ang gubat ug daghan na ang nagpangutana kung kanus-a kini kahuman ug unsa ang direksyon niini.
