Nanganti ang Israeli government nga manubag ang Iran sa ilang pagpalupad sa halos 200 ka missiles sa mga syudad sa Tel Aviv, Jerusalem ug Haifa.
Kini human mibalos ang Iran subay sa kompirmasyon sa Iran’s Islamic Revolutionary Guard Corps sa pag-atake sa Israel nga gikamatay ni Hezbollah group leader Hassan Nasrallah sa miaging semana.
Namahayag ang Israeli Defense Forces o IDF nga daghan sa missiles sa Iran ang intercept sa naka-muntar nga Iron Dome Defense System.
Kabahin sa naigo sa Iran airstrike ang air base sa Israel.
Una nang gibutyag sa Iran nga nag-unang target sa ilang pagpangatake ang security ug military assets sa Israel.
Dumduman nga una nang nagpasidaan ang Amerika nga nakakuha sila’g intelligence information nga mohimo’g pagbalos ang Iran batok Israel tungod sa kamatayon ni Nasrallah sa milabay’ng adlaw’ng Sabado.
