CAGAYAN DE ORO CITY – Dili lang presyo sa gasolina ang ipasaka sa gubat sa Israel ug Iran apan nabati na’g sugod ang paglagpak sa balor sa peso batok US dollar ug ubang mga salapi sa Asya.
Kini ang pagpasabot ni kanhi City Mayor Oscar Moreno nunot sa nagka-grabeng gubat sa nagkabanging nasud sa tunga-tungang sidlakan.
Siya miingon nga usa usab sa iyang gikabalak-an nga tungod sa pokus sa Amerika sa Iran, mapasagdan ang bangi sa Pilipinas ug China kabahin sa West Philippine Sea territorial claims.
Kini ang higayon nga angay ipalig-on pa sa Pilipinas ang diplomatic relations sa mga kaalyado kanasuran alang sa ikaayo sa katawhang-Pilipinhon.
