Mihangyo si United Nations Secretary General Antonio Guterress sa Israeli ug Lebanon govts nga ihunong na ang pagsinukliay sa mga bala diin mga sibilyan ang nagsilbing collateral damage.
Kini human isulti sa Lebanese Health Ministry nga halos 600 ka tawo ang kompirmadong patay ug dul-an 2-mil ang angol.
Nunot kini sa magpila ka bulan nang engkuwentro tali Israeli Defense Forces ug grupong Hezbollah nga misimpatiya sa Hamas militants nga nakabase sa Gaza,Palestine.
Miingon si UN Secretary General spokesperson Stephane Dujarric nga walay makab-ot nga sulbad kon gamitan sa mga armas ang Israeli-Lebanon tension rason nga angay maminaw ang duha ka panig.
Una nang namugos ang Israel nga hideouts sa Hezbollah ilang mga gibombahan aron dili na makapanghasi apan gikabalaka kini sa international community kay hayan mahitabo ang regional war sa Middle East.
