Dili big deal kang Victoria City Mayor Javi Benitez ang nag-viral nga quick kissing scene ni Sue Ramirez ug Dominic Roque didto sa Siargao.Kini human kompirmaha sa mayor nga sobra upat ka bulan na sila nga bulag ni Ramirez.
Miingon si Javi nga nagbulag sila si Sue nga pulos kalmado ug propesyonal.
Gihinaut na niini nga unta makit-an ni Sue ang lalaki nga makahatag kaniya sa tinud-anay nga kalipay ug katagbawan sa kinabuhi.
Una nang nanglugwa ang report nga walay gusto ang ginikanan ni Javi nga si Sue ang ikadayon niini sa kinabuhi.
Pulos wala mabutyag sa duruha kon ang 3rd party ba ang nag-unang rason sa pagkaputol sa ilang lima ka tuig nga relasyon.
Hisayrang si Roque ang gikan usab isyu sa panagbulag ngadto kang actress Bea Alonzo.
