Subling nagpadayag sa kaikag si WBC minimum weight title holder Melvin Jerusalem nga banggaon ang way pilding Wprld Boxing Association o WBA Super minimumweight champion nga si Thammanoon Niyomtrong sa Thailand sa usa ka unification bout sa Japan ning tuiga.
Gihimo ni Jerusalem ang pahayag human milampos kini sa pagpalukapa kang Meksikanong boxer Luis Castillo sa sa kauluhan sa miaging semana.
Miingon si Jerusalem nga kung siya ang pabut-on gusto niya langkaton ang super minimumweight nga bakus ni Niyomtrong.
Hinoon, wala pay tubag ang kampo sa iyang promoter sa hangyo Jerusalem.
Ang garbo sa Manolo Fortich, Bukidnon nagtangag sa 23-3 rekord uban ang 12 KOs ug seguradong mupas-an sa mas mabug-at nga tahas kon ugaling madayon ang gihandom nga engkwentro batok ni Niyomtrong.
Hisayrang ang Thai boxer nagkupot sa 25 ka pulos daug apan siyam pa lang ang knockouts.(Bombo Anne Quileste).
