CAGAYAN DE ORO CITY – Dili pa hingpit talikdan sa kompanyang JOMARA-TENCIL ang paghakot sa mga basura taliwala nga hupas na ang ilang kontrata sa dakbayan epektibo niadtong Agosto 24 ning tuiga.
Kini human hangyua ni City Mayor Klarex Uy nga kuyugan una ang city solid management team pagpanguha sa mga basura kay dili pa makasugod sa normal nga operasyon ang bag-ong kontraktor kay giingong gipaubos sa subsob nga ebalwasyon.
Apan gibutyag ni Janboy Actub,tigpamaba ni Mayor Klarex nga bisan sa pasalig sa Jomara-Tencil dili gihapon sila mohatag kumpiyansa kay seryosong suliran ang pagkuha sa basura tungod sa kadako sa populasyon sa dakbayan.
Una niini,mihangyo ang city hall nga limitahan una sa katawhan ang paggawas sa mga basura tungod sa kakulangon sa puwersa nga mohakot aron mamintinar ang kalimpyo sa dakbayan.
