CAGAYAN DE ORO CITY – Pirmado na ni US President Joe Biden ang kamanduan aron mahimong nasudnong monumento ang 1908 Springfield Race Riot sa Illinois.
Tumong sa kamanduan ang paghatag bili sa kasaysayan sa maong lugar ug aron madumduman sa bag-ong henerasyon ang pait nga trahedya nga nahitabo niadtong 1908 nga nagresulta sa pagpatay sa daghang ‘Black Americans’, lakip na ang pagbungkag sa ilang mga puy-anan ug mga negosyo.
Sa maong tuig, nahitabo ang dakung riot sa kadalanan batok “White Race Government” sa Amerika. Dinhi pormal nga namugna ang organisasyon sa National Association for the Advancement of Colored People (NAACP).
Gusto ni Presidente Biden nga ilhon ang dakung papel sa kalambuan, ug mga kalampusan sa mga Black Americans taliwala sa lapad nga racial discrimination sa milabay’ng mga katuigan.
Gawas niini, mi-apelar ang 81 anyos nga presidente sa tanan molopyo sa Estados Unidos nga nga walaon ang pagbahin bahin taliwala nga managlahi ang ilang kolor.
