Duha ka barangay ang supresa nga gisusi sa mga kapulisan sa Cagayan de Oro City Police Office (COCPO).
Unang gisusi ang Brgy 17, gisegundahan sa Brgy 18 ug Consolaccion Area.
Mukabat sa 12 ka indibidwal ang ilang nasapon nga nag-inom gawas sa dalan, naghukas sa t-shirt, ug adunay usa nga nagtahan sa armas.
Sa Barangay 17, gisaksihan ni Kapitan Anthony Atterviry ang apprehension sa iyang mga sakop, apan, gibuhian ra dayon kini human mawarningan sa ilang kalapasan.
Namugos ang kapitan nga luwas kaayo magbaktas sa ilang barangay kay ang ilang konseho kanunay nagpatuman sa peace and order drive.
Sa pakighinabi sa press, misugilon ang kapitan nga aduna siyay programa alang sa mga tawong gusto mu-uli sa ilang armas ug bugtian niya kinig P5,000.
Kini nga operasyon gipanguluhan ni Police Major John Bayron Ratunil ang Hepe sa Divisoria Pulis Station.
