Nadayagnos sa labing agresibo nga kanser si kanhi US President Joe Biden.
Sa ulahing interbyu sa iyang kapikas nga si kanhi First Lady Jill, tataw nga iyang gidepensa’g maayo ang pagka-ango-ango sa iyang kapikas, lakip na ang gitago-tago nga balatian niini.
Kagahapon, pormal nga gi-anunsyo sa opisina ni Biden nga si naigo sa kanser sa prostata ug mikuyanap na kini sa iyang mga bukog.
Si Biden, kinsa 82 anyos na, nagpadayon sa iyang pagpahulay sulod sa iyang puy-anan sa Wilmington, Delaware.
Subay sa report, mi-angkon si Biden sa Gleason score nga 9, ug kini nagpasabot nga labihan ka taas ang grado sa iyang sakit.
Bisan pa sa kaseryoso sa iyang kondisyon, ang mga doktor nag-ingon nga ang kanser sensitibo sa hormone, ug adunay epektibong pamaagi sa pagdumala niini.
