CAGAYAN DE ORO CITY, Philippines – Gikuwestiyon sa Kingdom of Jesus Christ (KOJC) Church members kung nganong hangtud karon dili panganlan sa gobyerno kung kinsa ang mga tawong mibubo sa 20 milyon pesos aron dakpon si KOJC Founder Pastor Apollo Quiboloy.
Namahayag si KOJC Legal Counsel Atty. Israelito Torreon nga kinahanglan dili itago sa Department of Interior ang Local Government ang ngalan sa nagdonar ilabe na nga nabati sa ilang simbahan nga daw nahukman na sa “guilty” ang ilang Amahan, taliwala nga wala pa dungga sa korte ang iyang kaso.
Una niini, bisan si Senador Ronald Bato dela Rosa ang mihangyo kang Interior and Local Government Secretary Benhur Abalos nga mulusad sa executive session aron ihong-hong kanila ang listahan sa mga donors apan, padayong nagmagahi si Abalos.
Tungod sa hitabo, posibleng magpasaka sa dugang kontra-demanda ang KOJC batok DILG tungod sa kalapasan sa Republic Act No. 6713 – Section 7-d nga nagmando ang pag dili sa tanan trabahante sa gobyerno sa pagsolicit o pagdawat sa mga dakung kantidad sa salapi sa bisan unsang tumong.
