Gibawi sa Philippine Contractors Accreditation Board (PCAB) ang lisensya sa siyam ka construction firms nga gipanag-iya ni Sarah Discaya human masuta nga kini nga mga kompanya nagdungan sa pag apil sa mga bidding sa proyekto sa gobyerno, nga nagresulta sa manipulasyon sa sa proseso ug pagkuha sa daghang kontrata nga wala’y patas nga kompetisyon.
Giangkon mismo ni Sara Discaya sa Senate Blue Ribbon Committee nga siya ang tag-iya sa mga kompanya, ug kini nakapukaw sa aksyon sa PCAB aron maprotektahan ang integridad sa public procurement.
Lakip sa mga kompanyang naapektuhan mao ang St. Gerrard Construction, Alpha & Omega General Contractor, ug uban pa, samtang ang PCAB nagpadala na sa notice of revocation dungan sa pag-endorso sa NBI ug DOJ alang sa posibleng imbestigasyon sa legal nga kalapasan.
