Gibulgar ni Senador Jinggoy Estrada pinaagi sa press conference nga adunay nagtanyag kaniya nga ibasura ang iyang mga kaso kalabot sa flood control scandal.
Kini daw nga tanyag, adunay kondisyon.
Ang kondisyon mao ang hingpit nga pagbiya niini sa “independent majority bloc.”
Taliwala sa pagpanghaylo, gibarugan ni Estrada nga magpabilin kining miyembro sa Majority bloc ug gibalibaran ang tanyag.
Gidugang pa ni Estrada nga andam niyang atubangon ang iyang kaso aron malimpyohan ang iyang ngalan ug mapanalipdan ang kagawasan sa Senado.
