CAGAYAN DE ORO CITY (update) – Patay ang usa ka sekyu samtang kritikal ang kahimtang sa usa ka mabdos nga cashier human gipanglutang sa duha ka tulisan sa Phoenix Petroleum, sa Brgy Katipunan, Villanueva Misamis Oriental, kaganinang kadlawon.
Giila ni Police Lt. Princess Enriquez, spokesperson sa Misamis Oriental Provincial Police Office ang mga biktima nga sila Dominico Servandel, 25, sekyu ug si Axel Rose Gimeno, 25, minyo ug pulos residente sa Zone 2 Brgy Katipunan.
Base sa inisyal nga report, gipatay sa suspek nga nailang si Reymark Jay Pumatong, ang sekyu nga natulog sa iyang poste, ug gipusil sa dagway ang cashier sa gasoline station aron makuha ang cash nga nagbalor sa Php30,000
Mikagiw ang suspek padulong sa Brgy Bugo, ning syudad.
Paspas nga milusad sa joint pursuit operation ang Villanueva Muncipal Police Station, MisOr Provincial Intelligence Branch ug COCPO human madawat ang report batok sa duha ka tulisan nga mikagiw sa direksyon padulong sa Cagayan de Oro City.
Namahayag si Police Lt. Enriquez nga paslak gilayon sa prisohan ang mga suspek nga sila Reymark Jay Pumatong, 27 anyos, dunay kapuyo ug residente sa Brgy Bugo; ug ang iyang lookout nga si Bernie Belen, 28, ulitawo ug molopyo sa Sitio Buguak Brgy. Sta Ana, Tagoloan.
Narekober sa posisyon sa mga suspek ang mga armas ug bala nga gigamit sa pagpanulis, ug ang cash nga balor P30mil.
Ipasaka sa Puerto Police Station ang kasong attempted robbery ug paglapas sa RA 10591 kon mas nailang illegal possession of firearms and ammunitions batok sa Chief Security sa Phoenix Petroleum nga misulay pagtulis sa Seven Eleven Convenience Store, sa Brgy. Bugo, sayo sa kadlawon.
Namahayag si Police Capt. Mario Mantala, hepe sa Puerto Police Station nga nahuptan nila ang CCTV video nga magpamatood sa identidad sa mga suspek.
Namugos si Mantala nga susamang suspek nga nakapatay ug nanulis sa Phoenix Petroleum ang misulay pagpanulis sa convenience store sa Brgy Bugo.
Una niini, wala milampus ang mga tulisan human mailog sa sekyu sa convenience store ang nagkadugo nga armas sa mga suspek.
