Gibulgar ni Presidente Ferdinand Marcos ang 15 ka mga kontractors nga nakadawat sa 20% sa kinatibuk-ang flood control projects sa Department pf Public Works and Highways (DPWH). Sa press conference nga gilusad sa Presidential Broadcast Studiosa Kalayaan Hall, Malacañang, namahayag si Marcos nga kasagaran sa mga kontratista nakadawat sa kapin ₱100 bilyon para sa usa ka proyekto.
Gihulagway ni Presidente Marcos nga “disturbing” kining iyang nadawat nga impormasyon busa gipapalawoman pa niya ang imbestigasyon kay kasagaran sa ilang gihuptang proyekto ang wala pa matibawas ug palpak. Hisayran nga bisan pa wala pa’y pormal nga akusasyon sa ilegal nga kalihokan, ang gobyerno nagtan-aw sa posibilidad nga adunay mga proyekto nga palpak, wala mahuman, o sama sa “ghost projects.”
Mahinumduman nga gipangayo ni Marcos sa DPWH ang lista sa tanang flood control projects sa miaging tulo ka tuig ug gisugyot nga ipahibalo kini sa publiko pinaagi sa website nga “Sumbong sa Pangulo.” Kon mapamatud-an nga adunay kalapasan, ang mga kontraktor posibleng i-blacklist ug dili na makakuha og proyekto sa gobyerno.
