CAGAYAN DE ORO CITY – Dili pa luwas ang kadaugan sa pagka-kongresista ni Cagayan de Oro 1st District Cong. Lordan Suan taliwala na-proklamar na sa city board of canvassers alayon sa Mayo 12 nga eleksyon sa syudad.
Kini human isulti ni City Mayor Rolando ‘Klarex’ Uy nga gipaluyuhan niini ang lakang sa kampo sa iyang anak nga si Carmen Punong Brgy Kikang Uy nga moduso’g election protest batok Suan sa House of Representatives Electoral Tribunal o HRET.
Miingon si Uy nga posibleng nagbaton sa lig-ong mga basehan ang kampo ni KapKik kung nganong hingusgan nila ang pag-kuwestiyon sa kadaugan ni Suan sa panagtigi nila sa pagka-kongresista.
Siya miingon nga pangitaon lang nila ang kaangayan kay sa ilang pagtoo,nalupigan sila.
Dumduman nga mihangyo mga abogado ni Kikang nga dili una maproklamar si Suan kay gusto nila ipa-diskuwalipikar.
Kini tungod kay naghinobra daw ang pinilitay sa mga boto gikan sa panig sa kongresista pipila ka adlaw sa wala pa ang mismong piliay.
Apan pagpamugos usab sa kampo sa kongresista nga walay nahitabong ‘vote buying’ sukwahi sa pasangil sa pildirong kaatbang niini
Hisayrang taliwala sa pasangil, giakusar usab sa kampo ni Suan nga kung adunay angay imbestigaran ug kasuhan kini ang panig nila ni Uy nga naghinobra ang kadagko sa pagpamalit sa mga boto sa katawhan sa dakbayan.
