Kagay-anon Kontra Korapsyon (KKK) coalition, mupadayon sa ilang adbokasiya vs kurapsiyon

Gipakita sa Kagay-anon Kontra Korapsyon (KKK) coalition ang ilang gahum batok sa kurapsyon human sa nagmalampusong September 21 protest rally sa Cagayan de Oro, nga karon gitan-aw isip sinugdanan sa usa ka watchdog sa mga kakulian sa gobyerno. 

Gibutyag ni Nestor Banuag sa NAMFREL-CDO nga kinahanglan masuta kung ang commitment sa matag grupo nga miapil sa rally adunay kapasidad nga mulahutay ug mahimong tinuod nga tingog ug mata sa katilingban. 

Iyang gibutyag nga dili lang taman sa mga plakard ug singgit ang kinahanglan apan ang pagpakita sa konkretong aksyon.  

Sigon pa ni Banuag, sila nagkahiusa sa damgo nga makab-ot ang usa ka limpyo ug malamboong gobyerno.