CAGAYAN DE ORO CITY – Gikakurat ang daw pagpakahilom sa city government kabahin sa kamatayon sa usa sa top performing commanders sa Cagayan de Oro City Police Office o COCPO nga gipusil-patay sa Barangay Bulua ning syudad.
Kini human nahibulong si kanhi City Mayor Oscar Moreno nga walay gilugwa nga pahayag si incumbent City Mayor Rolando ‘Klarex’ Uy sa gidangatan ni late Cogon Police Station commander Major Abdulcahar Armama diin magtulo ka semana na gikan sa panghitabo.
Miingon si Moreno nga angayang adunay madungog nga pahayag gikan kang Klarex sa hitabo aron masiguro nga mapaspasan ng pagsulbad sa maong kremin.
Sa pagkutlo ning balita, kamulo pa ang SITG-Armama sa pagsulbad sa kaso aron adunay mga tawo nga mataral nga naghimo sa kremin.
Dumduman nga sa usa sa mga city hall flag raisings, gihalaran sa pag-ampo ang gidangatan sa maong opisyal diin nagsilbing sponsor niadto ang Cagayan de Oro City Police Office nga miani’g kontrobersya kay nagsayaw-sayaw sila taliwala sa pagbangutan unta sa kapolisan.
