Dismayado si kanhi Presidential Candidate – Wilson Amad, sa gipahigayong State of the Nation Address ni President Ferdinand Marcos Jr.
Sa pakighinabi sa Bombo Radyo, gibutyag ni Amad nga wala siya matagbaw sa mensahe sa presidente, human nga wala kini nagpakita sa tinuod nga pagtagad sa mga marginalized sectors, ilabi na sa mga Indigenous Peoples (IPs).
Siya miingon nga gilauman niyang mahatagan sa prayoridad ang kalisod sa kinabuhi sa mga kabus ug lumad.
Maoy gipa-abot ni Amad ang pagreport sa presidnte kung pila na ang ancestral domain titles nga napasar sa milabay’ng tolo ka tuig sa iyang pagserbisyo.
Kung mahinumduman nga si Kanhi President Rodrigo Duterte mipasa sa 12 ka certificate of ancestral domain titles, samtang si Marcos Jr. wala pa’y klarong datos nga gipadayag sukad sa iyang paglingkod.
Bisan pa man nga nahisgutan sa presidente ang mga plano sa agrikultura, alang kang Amad dili pa kini igo, ilabe na nga dili kini maka-abot samga IP groups nga nakasinati sa kinabuhi nga ubos pa ang kalidad.
