Makig-alayon ang Kamarabaha sa korte ug sa Bureau of Jail Management and Penology (BJMP) aron masiguro ang kaluwasan sa testigong si Ramil Madriaga, nga giingong “bagman” ni Vice President Sara Duterte, kon ipatawag kini sa impeachment proceedings.
Sumala ni Bicol Saro Partylist Representative Terry Ridon nga kinahanglan ang koordinasyon tungod kay si Madriaga kasamtangang na-detiner sa BJMP facility sa Taguig City alang sa laing kasong kriminal.
Gipunting ni Ridon nga ang affidavit ni Madriaga mao ang labing importante nga bag-ong ebidensya sa reklamo, diin giingong nagdetalye sa paggamit sa confidential ug intelligence funds sa Office of the Vice President (OVP) ug Department of Education (DepEd).
Apan, giklaro ni Ridon nga dili pa siya matawag hangtod masuta sa House Committee on Justice kon ang reklamo igo sa porma ug igo sa sulod, ug kon molampas niini, hatagan una sa higayon si VP Sara nga motubag sa mga alegasyon. (Phillip Ariata)
