CAGAYAN DE ORO CITY – Kulbahinam ang panagtigi pagka-presidente nila ni US Vice Pres Kamala Harris ug former US Pres Donald Trump.
Kini tungod kay naglisod ang mga political analyst pagtumbok kon kinsa sa duruha ang adunay dako’g margin of winning sa US elections sa Nobyembre 6 ning tuiga.
Miingon si Bombo International News Correspondent Randy Famacion sa Chicago, Illinois nga nag-neck to neck si Harris ug Trump sa nagsilbing battle states diin nagsumikad ang dako nga electoral votes.
Siya miingon nga kon subayon ang uban nga online vote monitoring,dako’g tsansa nga modaug si Harris batok Trump.
Apan siya miklaro nga dili angay kumpiyasahan si Trump kay midaug kaniadto si kanhi Democrats presidential candidate Hillary Clinton sa 2026 elections sa popularity votes apan napildi pag-abot sa electoral votes.
Hisayrang angayang kuhaon sa presidential candidate ang 270 gikan sa 538 ka electoral votes aron ilhon nga midaug nga presidente.
