CAGAYAN DE ORO CITY – Walay igong basehan kon tinood ang impormasyon nga dunay ipasaka nga impeachment complaint sa kamarabaha batok kang Vice Pres Sara Duterte.
Kini ang punto-de vista nga gilugwa ni CWGG -10 convenor Atty Antonio Soriano kabahin sa expose ni kanhi presidential spokesperson Atty Harry Roque kabahin sa pag-ipit sa kamara kang VP Sara.
Miingon nga pipila ka bug-at nga basehan sa maong kaso,halos walay makita nga magamit ang kamara aron iduot si Sara sa pasangil nga sila ra’y nasayod.
Nagtoo kini nga dili molampos ang maong laraw sa mga kongresista kay segurado kining mabasura sa senado.
Samtang premature usab alang kang kanhi IBP-Misamis Oriental chapter president Atty Ed Cuaresma ang nahugon-hugon nga ipa-impeach sa puwesto si Vice Pres Sara Duterte.
Miingon si Cuaresma nga labing maayo nga sulbaron hinoon sa national govt ang daghang mga suliran nga nag-apektar sa katawhan sa nasud.
Kini tungod kay klaro nga politika ug personal interes lamang lamang ang nag-unang tuyo kon tinud-anay nga kasuhan sa impeachment si VP Sara kinsa nahugun-hugon nga modagan pagka-presidente sa 2028 election sa nasud.
