Usa ka grupo nga gilangkuban sa mga laiko, madre ug mga abogado ang nag-file sa ikatulong impeachment complaint batok kang Sara Duterte, usa ka aksyon nga nakadawat karon og lain-laing kritisismo gikan sa publiko ug sa social media.
Tungod sa maong mga batikos, misulti si Wilson Amad, usa ka cathetist, nga ang gibuhat sa mga pari ug madre usa lamang ka pagpakita sa tinood nga Catholic in action, nga nagpasabot sa pagkamatinumanon ug pagkamatinud-anon kang Kristo.
Gipasabot ni Amad nga dili angay nga sawayon ang aksyon sa simbahan, kay kini nagpakita sa tinuod nga pagpakabana ug responsibilidad dili lamang sulod sa simbahan apan lakip na sa katilingban.
Matod pa niya, ang pagtuo dili lang kutob sa pag-ampo ug pagsimba, kundili kinahanglan ipakita pinaagi sa lihok ug konkretong aksyon.
Gidugang pa nga kon adunay mga isyu o kakulian sa katilingban, angay kini dad-on sa hustisya isip kabahin sa pagtuman sa responsibilidad sa matag magtutuo. (James Oliver)
