Mukabat sa 100,000 ka ihap sa trabaho ang nahanaw sukad nabulabog ang mga anomaloso nga flood control projects sa Department of Public Works and Highways (DPWH) sukad sa miaging tuig.
Kini nga numero nagsumikad sa National Union of Building & Construction Workers (NUBCW) human gibutyag sa ilang Secretary General Santiago Nolla nga nakanselar ang lapad nga ihap sa permit sa mga kontraktor nga nalambigit sa iskandalo.
Miingon ang grupo nga naapektuhan dili lang ang mga direktang empleyado sa mga construction firm apan lakip usab ang mga subcontracted workers nga gi-deploy sa managlahing proyekto sa rehiyon.
Kini nga report nakompirmar sa Philippine Statistics Authority (PSA) human nila gipagawas ang presko nga data sa unemployment rate niadtong miaging tuig.
Ang full-year data nagpakita nga ang ihap sa mga tawong walay trabaho misaka pa sa 4.2% niadtong 2025, ug mas taas kini sa 3.8% itandi niadtong 2024.
