CAGAYAN DE ORO CITY – Gihagit ni Carmen Punong Barangay Kikang Uy nga magpaka-LALAKI sa pag-atubang sa mga isyu si Cagayan de Oro 1st District Cong. Lordan Suan.
Kini ang reaksyon ni Uy kabahin sa rason ni Suan kon nganong apil sa mga kongresista nga mipirma aron ipalagpot sa katungdanan si Vice Pres Sara Duterte.
Miingon si Uy nga dili angayang lipaton ni Suan ang katawhan kay walay laing mabasol apan mismo ra ang kaugalingon niini.
Una usab niini,namahayag si Suan nga mas gipili niya ang serbisyo-publiko kaysa dikta sa politika.
Kini ang rason nga kuyog siya sa 12 ka kongresista sa Northern Mindanao region nga mipirma batok VP Sara.
Hisayrang si Kikang ug Suan ang gilauman nga subli magtigi pagka-kongresista sa distrito uno sa May 12 elections.
