Personal nga mi-apelar sa kahusay ug kalinaw sa tibook kalibutan ni Pope Leo XIV, alang iyang unang Regina Coeli prayer sa St. Peter’s Square.
Sa iyang Sunday Blessing, iyang gipanawagan ang tanan world leaders nga magkahiusa, segun sa unang hangyo ni anhing Santo Papa Francisco, aron dili na musampot sa World War III ang kagubot sa Ukraine ug Russia, ug Gaza.
Wala matago ni Pope Leo XIV ang iyang kalipay nga nakab-ot ang bag-uhay nga ceasefire sa Pakistan ug India ug milaum nga kini mulungtad taas nga panahon tungod kay daghan inosenteng bata, inahan, ug katigulangan ang maipit sa gubat.
Ang Regina Coeli prayer usa ka espesyal nga pag-ampo sa Birhen Maria, nga nagpasalamat sa pagkabanhaw ni Kristo.
Lakip sa iyang ampo ang paghatag kadasig sa mga kabatan-onan nga dawaton ang panawagan sa Simbahan ug ni Kristo ug dili malahadlok sa mga pagsulay.
Sa maong okasyon, liboan ka mga deboto ang mitambong sa Vatican, lakip ang mga banda ug performers gikan sa lain-laing nasud ang naghatag sa musika ug festive anthems aron pasidunggan ang bag-ong santo papa.
