PARIS – Napasaylo na sa dugay’ng panahon ni Paris Olympics double gold medalist Carlos Yulo ang ilang inahan nga si Angelika Yulo.
Kini ang pagbuak ni Caloy sa ilang pagpakahilom sa iyang hinigugma nga si Filipino-Australian businesswoman Chloe San Jose batok sa mga banat sa inahan niini sa dugay-dugay nang panahon.
Nagsumikad ang tubag ni Caloy nunot sa pag-trending sa interview sa Bombo Radyo kang Angelika diin namugos kini nga wala niya hilabti ang miniylong bank savings sa iyang anak.
Namahayag si Carlos nga bisan sa mga sakit nga sulti sa ilang mama ug lisod mawala sa iyang huna-huna apan napasaylo na niya kini.Gihinaut usab ni Caloy nga unta magbaton sa kahupayan sa kasuko ug kayugot ang iyang inahan.
Apan namugos usab si Carlos nga bakak ang gipanulti ni sa iyang inahan kabahin sa isyu sa panalapi.
Siya miingon nga dili isyu ang kadako ug kagamay sa nahipatan nga pondo apan ang paghilabot ug wala pagpananghid niini ngadto kaniya.
Hisayrang nabulit sa pagsaway ang iyang mama samtang miapelar usab ang amahani Carlos nga si Mark Andrew Yulo nga mag-uli na sila aron mabalik ang kahusay’g kalinaw sa ilang pamilya.
