CAGAYAN DE ORO CITY – Masaligon ang kampo ni City Mayor Rolando ‘Klarex’ Uy nga sila ang ilhon ni Pres Bongbong Marcos nga official line-up sa 2025 elections ning syudad.
Kini taliwala nga pulos nanumpa si kanhi Phividec administrator Jose Gabriel ‘Pompee’ La Viña ug Mayor Klarex isip mga bag-ong miembro sa Partido Federal ng Pilipinas diin si Marcos ang nagsilbing chairman niini.
Namahayag ang tigpamaba sa mayor nga si Janboy Actub nga sagad sa mga dangpan sa national candidates ang kasamtangang lingkod nga mayor o gobernador sama sa kahimtang ni Klarex.
Hinoon,hulaton nila kon kinsa ang tunulan sa certification of nomination o CONA sa mismong mga adlaw nga tugtan na ang mga kandidato makaduso sa ilang sertipiko de kandidatura sa unang semana sa Oktubre ning tuiga.
Hisayrang si Klarex ang kanhi sakop sa National Unity Party (NUP) samtang si Pompee social media strategist sa pagdagan pagka-presidente ni Rodrigo Duterte sa partido PDP-Laban diin sila nagtigi pagka-mayor sa 2022 elections sa syudad.
